چھل دی صورت حال نال نبڑݨ کیتے تھوڑے، وچلے اتے لمبے ویلھے دیاں پالیسیاں بݨاوݨیاں پوسن، پہلے توں اطلاع دے نظام نال ضیان گھٹ تھئے، وزیراعظم شہباز شریف

نارووال۔28اگست (اے پی پی) وزیراعظم مح??د شہباز شریف پاݨی دے نویں ذخیرے دی تعمیر کوں ویلھے دی لوڑھ قرار ݙیندیں ہوئیں آکھیے جو اساں ک??ں چھل دی ص??رت??ال نال نبڑݨ کیتے تھوڑے، وچلے اتے لمبے ویلھے دیاں پالیسیاں بݨاوݨیاں پوسن، ٹیم ورک دے ذریعے چھل جیھی قدرتی آفت نال نبڑیا ونڄ سڳدے، پہلے توں اطلاع دے نظام دی وجہ نال نقصان گھٹ توں گھٹ تھئے، پاکستان موسمیاتی تبدیلی توں ساریں توں زیادہ متاثرہ 10 ملکاں اچ شامل اے، ریسکیو اتے قدرتی آفتاں توں پیدا تھیوݨ آلی ص??رت??ال نال نبڑݨ آلے اداریں ک??ں مزید متحرک کرݨا ہوسی۔اے ڳالھ انہاں نارووال اچ چھل آلے علاقیں دے دورے دے موقع تے بریفنگ دے دوران ڳالھ مہاڑ کریندیں ہوئیں آکھی۔ ایں موقع تے وزیراعلیٰ پنجاب مریم نواز شریف، وفاقی وزیر منصوبہ بندی و ترقی پروفیسر احسن اقبال، وفاقی وزیر اطلاعات و نشریات عطاء اللہ تارڑ، چیئرمین این ڈی ایم اے لیفٹیننٹ جنرل انعام حیدر ملک اتے ݙوجھے اُعلیٰ حکام وی موجود ہن۔ چیئرمین این ڈی ایم اے وزیراعظم کوں پنجاب دے دریاواں اچ طغیانی اتے زیر آب علاقیں اچ ریسکیو و ریلیف آپریشن نال متعلق بریفنگ ݙتی۔ وزیراعظم آکھیا جو گلگت بلتستان خیبر پختونخوا دے بعد ہݨ پنجاب کوں مینھ اتے چھل دی ص??رت??ال دا سامݨا اے، چھل پاروں تھیوݨ آلے جانی ضیان تے افسوس اے، وفاقی وزراء، افواج پاکستان، سول انتظامیہ، این ڈی ایم اے، ریسکیو1122، نارووال دے سیاسی اڳواݨ اتے ݙوجھے اداریں دا کردار قابل تعریف اے، ہیلی کاپٹرز اتے کشتیاں دا وی انتظام کیتا ڳئے، پہلے توں اطلاع دے نظام دی وجہ نال ضیان گھٹ توں گھٹ تھئے۔ انہاں آکھیا جو 2022 اچ صوبہ سندھ، بلوچستان، خیبرپختونخوا اتے پنجاب دے جنوبی ضلعیں اچ ٻہوں ضیان تھیا ہئی، لکھاں ایکڑ زمین تے کھڑیاں فصلاں تباہ تھی ڳئیاں ہن اتے پاکستان کوں ارباں ڈالر دا ضیان تھیا ہئی۔ وزیراعظم آکھیا جو پاکستان بدقسمتی نال انہاں ملکاں اچ شامل اے جیڑھے قدرتی آفتاں دا نشانہ بݨدے پئن اتے ماحولیاتی تبدیلی توں ساریں توں متاثرہ 10 ملکاں اچ پاکستان دا ناں شامل اے، اساں ک??ں اے ڳالھ ذہن اچ رکھݨی چاہیدی اے جو آوݨ آلے سالاں اچ اے سلسلہ چلدا رہسی، ہݨ اے اساں تے منحصر اے جو اساں کیویں ایں چیلنج نال نبڑدوں، وفاق، چارے اکائیاں، آزاد کشمیر اتے گلگت بلتستان رل تے ایں دا مقابلہ کریسن تاں آوݨ آلی ص??رت??ال نال نبڑ سڳدوں۔ وزیراعظم آکھیا جو ایں مقصد کیتے صوبیں آپݨی سطح تے تیاریاں کرݨیاں ہن، وفاق دی سطح دی این ڈی ایم اے اتے ݙوجھے متعلقہ اداریں ک??ں مکمل طور تے تیاریاں کرݨیاں پوسن۔ انہاں آکھیا جو پاݨی ذخیرہ کرݨ دی اہلیت اچ ودھارا کرݨا ہوسی اتے ایں کیتے آپݨے وسائل کوں استعمال اچ گھن آوݨا ہوسی، ایں نال چھل دی ص??رت??ال تے قابو پاتا ونڄ سڳسی جے پاݨی ذخیرہ کرݨ دی اہلیت اساں ک??ے نہ ہوسی تاں اساں جتنیاں وی کوششاں کر ڳھنوں اے نامکمل ہوسن۔ انہاں آکھیا جو اساکوں وسائل آپوں جمع کرݨے ہوسن، ملک اچ وفاق اتے صوبیں وچال رل تے اے سکت موجود اے، جے سِر جوڑ تے ٻہسن تاں ایں دا حل لبھ ڳھدا ویسی، آوݨ آلے سالاں اچ ماحولیاتی چیلنج نال اساں ک??ں نبݨݨا اے۔ وزیراعظم آکھیا جو ایپکس کمیٹی دے گزریل اجلاس اچ میں اے معاملہ چاتا ہئی جو پاݨی ذخیرہ کرݨ دی سکت ویلھے دی لوڑھ اے اتے بغ??ر ویلھا ضائع کیتے ایں دی تیاری کرݨی چاہیدی اے، بھاشا ݙیم اتے مہمند ݙیم دی تعمیر ٻہوں اہم اے، ایویں پنجاب اچ چنیوٹ اتے کئی ݙوجھے علاقیں تے پاݨی ذخیرہ کرݨ دی اہلیت پیدا کیتی ونڄ سڳدی اے، شمالی علاقیں اچ نکے نکے ݙیم بݨائے ونڄ سڳدن، ریسکیو اتے قدرتی آفتاں توں پیدا تھیوݨ آلی ص??رت??ال نال نبڑݨ آلے اداریں ک??ں مزید متحرک کرݨا ہوسی، جے اساں اڄ توں شروع کریسوں تاں پاݨی ذخیرہ کرݨ دے وݙے منصوبیں ک??ں پورا کرݨ اچ کئی سال لگسن، پنجاب دے بعد چھل ریلا سندھ دا رخ کریسی، اساݙی دعا اے جو ایں دی طغیانی اچ گھٹکی آوے، اے ہک چیلنج اے، ایں چیلنج نال اساں ک??ں رل تے نبڑݨا ہوسی، تباہ تھیوݨ آلیاں فصلاں دے مالکان کوں ضیان دا معاوضہ وختی ادا کرݨ دا وزیراعلیٰ پنجاب دا اعلان خوش آئند اے، ایویں جیڑھا جانی ضیان تھئے ، گھر تباہ تھئن انہاں دے نقصان دا وی ازالہ کیتا ویسی۔ وزیراعلیٰ پنجاب اتے انہاں دی پوری ٹیم اتے این ڈی ایم اے کوں شاباش ݙینداں اتے افواج پاکستان دا شکریہ ادا کرینداں جو سارے رل تے کم کریندے پئن، گوردوارہ کرتارپور توں یاتریاں دے انخلا کیتے وزیراعلیٰ پنجاب ہیلی کاپٹر بھڄواوݨ دا حکم ݙتا ہئی لیکن موسم دی خرابی پاروں کشتیاں دے ذریعے انہاں دے انخلا کوں یقینی بݨایا ڳئے۔ گوردوارہ کرتار پور سکھ برادری دا مقدس مقام اے، پاݨی دی وختی نکاسی کرݨی ہوسی۔ ایں موقع تے وزیراعلیٰ پنجاب مریم نواز شریف آکھیا جو چھل آلے علاقیں دا دورہ کرݨ تے وزیراعظم دی شکر گزار ہاں، نارووال چھل توں ساریں توں زیادہ متاثرہ علاقیں اچ شامل تھیندے، پنجاب انتظامیہ اتے ریسکیو دا کردار تعریف دے لائق اے، سارے متعلقہ اداریں متاثرین دی مدد کیتے وختی اقدامات چاتے، گزریل 40 سالاں اچ ساوݨ دا ایجھا لمبا سلسلہ کݙاہیں نی آیا، مسلسل مینھ اتے بھارت دی طرفوں پاݨی چھوڑݨ نال غیر معمولی ص??رت??ال پیدا تھئی، اے ڳالھ اطمینان دی وجہ اے جو سارے اداریں رل تے بھرپور کم کیتے، ہک ہزار فیلڈ کلینک کم کریندے پئن، مال ڈھور کیتے پاݨی اتے گھا دا انتظام وی کیتا ویندا پئے۔ انہاں آکھیا جو پہلے توں اطلاع دے موثر نظام دی وجہ نال لوکاں دا مح??وظ انخلا ممکن تھئے، پاک فوج دے جوان پنجاب دے متاثرہ علاقیں اچ امدادی سرگرمیاں اچ مصروف ہن، اساں ک??ں ایجھا بنیادی ڈھانچہ تعمیر کرݨا اے جیں نال پاݨی کوں روکیا اتے مح??وظ بݨایا ونڄ سڳے۔ وفاقی وزیر منصوبہ بندی، ترقی و خصوصی اقدامات پروفیسر احسن اقبال آکھیا جو ریسکیو اتے ریلیف دیاں ک??ششاں ک??ں مربوط اتے تکھا کرݨ دی لوڑھ اے، نارووال دریائی طغیانی توں ساریں توں زیادہ متاثر تھیندے ، سڑکاں دی بحالی دا کم وختی شروع کرݨا ہوسی، نارووال کوں آفت زدہ قرار ݙتا ونڄے، اساں ک??ں آپݨا بنیادی ڈھانچہ مضبوط کرتے چھل توں بچݨ دے اقدامات کرݨے ہوسن، چھل آلے علاقیں دا دورہ کرݨ تے وزیراعظم اتے وزیراعلیٰ پنجاب دا شکر گزار ہاں۔ چیئرمین این ڈی ایم اے لیفٹیننٹ جنرل انعام حیدر ملک ݙسایا جو مغربی ساوݨ دا اے سلسلہ میدانی علاقیں اچ جاری اے، بھارت دے غیر قانونی زیر تسلط جموں و کشمیر اتے سیالکوٹ ریجن اچ غیر معمولی مینھ پاروں دریاواں اچ طغیانی آئی اے، مغربی دریا معمول تے وہندے پئن ،مشرقی دریاواں اچ چھل دی ص??رت??ال اے، خانکی اتے قادرآباد اچ پاݨی دا 10 لکھ کیوسک دا ریلا اے، ہیڈ گنڈا سنگھ والا تے پاݨی زیادہ وہندا پئے۔